പിഴ, എന്റെ പിഴ, എന്റെ വലിയുടെ പിഴ!

നാട്ടിലെ ആണുങ്ങളുടെ വലി മുട്ടിക്കും എന്നതു ജീവിതലക്ഷ്യമാക്കി കൊണ്ടുനടക്കുന്നയാളാണ്‌ കേന്ദ്ര ആരോഗ്യമന്ത്രി അന്‍പുമണി രാംദാസ്‌. സ്വന്തം പാര്‍ട്ടിയിലെ വടംവലിയല്ല, സ്വന്തം രാജ്യത്തെ പുകവലിയാണ്‌ ഇതിയാനു പ്രധാന ഭീഷണി. അതുകൊണ്ടാണ്‌ നിശ്ചയിച്ച ദിവസം തന്നെ മന്ത്രി തന്റെ തീരുമാനം നടപ്പാക്കാനുള്ള ചങ്കുറപ്പു കാണിച്ചത്‌. ഇനി മുതല്‍ പൊതുസ്ഥലങ്ങളില്‍വച്ചു പുക ഉള്ളിലേക്കെടുത്താല്‍ 100 ഉം പുറത്തേക്കു വിട്ടാല്‍ മറ്റൊരു 100 ഉം പിഴയടക്കയ്‌ണം. മൊത്തം 200 രൂപ.